Rusiya Suriyadakı hərbi əməliyyatlara günlük dörd milyon dollar vəsait ayırır.

Axar.az xəbər verir ki, bunu ABŞ Dövlət Departamentinin Avropa və Avrasiya işləri üzrə dövlət katibinin müavini Viktoriya Nuland deyib.

ABŞ Dövlət Departamentinin Yaxın Şərq regionu üzrə dövlət katibinin müşaviri Anna Paterson isə bildirib ki, ABŞ-ın Suriyada apardığı hərbi əməliyyatlar gün ərzində 8 milyon dollara başa gəlir. O həmçinin qeyd edib ki, ABŞ və Rusiyanın standartları ayrı olduğundan hərbi xərclərdə kəskin fərqlər var.

Paterson Suriyadakı bir qisim müxalif qüvvələrin çarəsizlik səbəbindən Nüsrə Cəbhəsinə qoşulduğunu da bildirib.