Kollektiv Təhlükəsizlik Müqaviləsi Təşkilatının Birləşmiş Qərargahının rəisi general-leytenant Aleksandr Studenikin vəzifəsini tərk edəcək.

Axar.az xəbər verir ki, bunu Rusiya mətbuatına açıqlamasında Studenikinin özü təsdiqləyib. Onun sözlərinə görə, KTMT-nin yeni qərargah rəisi vəzifəsinə hazırda Rusiya Müdafiə Nazirliyinin Qərb Hərbi Dairəsinin komandiri olan general-polkovnik Anatoli Sidorov gətiriləcək.

Qeyd edək ki, Anatoli Sidorov Əfqanıstan müharibəsinin və I Rus-Çeçen müharibəsinin iştirakçısıdır. Daha sonra isə o, Uzaq Şərq Hərbi Dairəsində çalışıb. Sidorov 2012-ci ildən Qərb Hərbi Dairəsinin rəhbəridir.