Mən Gürcüstan prezidenti olanda rəsmi Feysbuk səhifəmdə cəmi 200 min izləyicim var idi, indi isə onların sayı 700 mindən çoxdur. Sonradan qazandığım yarım milyon insan mənim və komandamın Ukraynadakı şəffaf seçkilər və islahatlar uğrunda necə mübarizə apardığını dəyərləndirən insanlardır.

Axar.az xəbər verir ki, bu sözləri Odessa vilayətinin qubernatoru Mixail Saakaşvili öz rəsmi Feysbuk hesabında yazıb.

Eks-prezidentin sözlərinə görə, o yerli kriminal və korrupsioner elitanın müqavimətinə, sosial şəbəkələrdə ödənişli qara piar yazılarına və oliqarxlara məxsus mətbuat orqanlarının ona qarşı elan etdiyi müharibəyə baxmayaraq həmişə insanların maraqlarını müdafiə edəcək.