Ukrayna Silahlı Qüvvələri quru əməliyyatı aparmadan Krımı işğaldan azad edə bilər. Xüsusilə, bunu yalnız aviasiya və uzaqmənzilli raketlərin köməyi ilə etmək realdır.

Axar.az xəbər verir ki, bu açıqlama ilə ukraynalı hərbi ekspert Petr Çernik çıxış edib.

"Krım quru əməliyyatı olmadan işğaldan azad edilə bilərmi? Məncə, mümkündür. Bunun üçün çoxlu aviasiya tələb olunur. F-16-lar, 910 km-ə qədər uçuş məsafəsi olan AGM-158 kimi uzaqmənzilli raketlərdən istifadə etmək olar", - Çernik bildirib.

Onun sözlərinə görə, cəmi bir neçə həftə ərzində rusların bütün logistikasını və infrastrukturunu məhv etmək olar. Bundan sonra Ukrayna qoşunları sakitcə yarımadaya daxil ola biləcək.