Biz İŞİD-in ərazilərini ələ keçirdikcə, terrorçular saqqallarını kəsib mülki vətəndaşların arasında gizlənir.

Axar.az xəbər verir ki, bu sözləri ABŞ-ın İraq və Suriyada apardığı əməliyyatların sözçüsü Stiv Varren deyib.

"İraq və Suriyada 30 min İŞİD terrorçusu var. Terrorçular tutduqları ərazilərin böyük hissəsini artıq itiriblər. Orta hesabla İŞİD-çilər ərazilərinin 30 faizinə nəzarəti itiriblər. Terrorçular böyük təşviş içindədirlər", - Varren vurğulayıb.

Varren onu da əlavə edib ki, yerli İŞİD-çilər xaricilərə nisbətən daha az maaş alır:

"Yerlilərə önəmsiz vəzifələr tapşırılır. Əcnəbilər isə daha yüksək postlarda qərarlaşıblar".