ABŞ Suriya dövlətinin dağılmasını və prezident Bəşər Əsədin vəzifədən getməsini istəyir.

Axar.az xəbər verir ki, bu sözləri amerikalı politoloq Erik Draitser deyib.

O bildirib ki, ABŞ hökuməti 2011-ci ildən bəri Suriyada hakimiyyət dəyişikliyi üçün hər vasitədən istifadə edir:

"Rusiya Suriya böhranına daxil olmasaydı, ABŞ rəsmiləri Vyanadakı dialoqlarda iştirak etməyəcəkdi. Lakin ABŞ-ın bu müzakirələrə qoşulması müsbət addımdır və Suriyaya müəyyən qədər sülh gətirəcək. ABŞ Suriyanın Bəşər Əsədə yaxın olmayan bir şəxs tərəfindən idarə olunmasını istəyir. Rəsmi Vaşinqton ikinci seçimdən istifadə edəcək. Bu variant Bəşər Əsədin vəzifədən getməsindən, ya da keçid hökumətinin yaradılmasından ibarət olacaq".

Analitik onu da qeyd edib ki, Əsədin arxasında olduqca böyük qüvvə var.