Ana səhifə Planet |
Monteneqronun NATO-ya üzv olması vətəndaşların mənafeyinə uyğundur və heç kimə qarşı təhlükə yaratmır. Daxili işlərimizlə bağlı üçüncü tərəf fikir bildirə bilməz.
Axar.az xəbər verir ki, bu barədə Monteneqronun Daxili İşlər və İnteqrasiya Nazirliyi tərəfindən yayılan açıqlamada deyilib.
Açıqlamada Rusiyanın baş nazirinin müavini Dmitri Roqozinin "Monteneqro NATO-ya üzv olmaq istəyinə görə peşman olacaq" sözlərinə sərt münasibət bildirilib:
"Monteneqro ictimaiyyətində aparılan araşdırmalar onu göstərdi ki, ölkə daxilində NATO üzvlüyü dəstəklənir. İctimaiyyətin bu məsələ ilə bağlı fikrinin öyrənilmədiyi və ölkənin az bir qisminin NATO-ya üzv olmağa tərəfdar olması ilə bağlı yayılan məlumatlar əsassızdır. Milli mənafeyimizi əsas tutaraq xarici siyasətdə əsas istiqamətimiz Avropa Birliyi və NATO-ya üzv olmaqdır".
Qeyd edək ki, Rusiyanın baş nazirinin müavini Dmitri Roqozin açıqlamasında Monteneqronun NATO-ya üzv olmaq istəyinə görə peşman olacağını bildirmişdi.
Xatırladaq ki, Monteneqro 2 dekabr 2015-ci ildə isə NATO-dan üzvlüklə bağlı dəvət almışdı.
Tarix
2016.01.14 / 19:36
|
Müəllif
Kamran Ədalət
|