Misirdə "Rabia" simvolundan istifadə edənlər cinayət məsuliyyətinə cəlb olunacaq.

Axar.az xəbər verir ki, Misir parlamenti tərəfindən hazırlanan qanun layihəsinə görə "Rabia" simvolunu bildirən 4 barmaq işarəsini tutanlar cəzalandırılacaq.

Hökumət tərəfindən də təsdiq edilən qanuna əsasən, "Rabia" simvoluna görə ya həbs, ya da 10-30 min Misir paundu arası cərimə nəzərdə tutulub.

Qeyd edək ki, "Rabia" işarəsi Misirin hərbi çevriliş nəticəsində devrilən keçmiş Prezidenti Məhəmməd Mursi tərəfdarlarının simvoludur. Müqavimət hərəkatı Rabiatul Adeviye meydanından başladığı üçün hərəkatçılar bu işarəni özlərinə simvol olaraq seçiblər.