İsveçrənin Cenevrə şəhərində Suriya böhranı ilə bağlı müzakirələrdə 15 müxalifət nümayəndəsi iştirak edəcək.

Axar.az xəbər verir ki, bu sözləri Suriya Dəyişiklik və Azadlıq üçün Xalq Cəbhəsi Partiyasının lideri Kadir Cəmil "Rosiya Seqodniya" beynəlxalq xəbər agentliyinin təşkil etdiyi mətbuat konfransında deyib.

"Moskva-2 toplantısında iştirak edən nümayəndələri nəzərdən keçirdik. Bunlardan bəziləri Qahirə toplantısında da iştirak etmişdi. Bu şəxslər Suriya müxalifətinin bütün qanadlarını təmsil edirlər. Lakin siyahıda dəyişiklik ola bilər".

Cəmil onu da əlavə edib ki, siyahı ilə bağlı Rusiya və ABŞ-a məlumat verilib.