İŞİD beynəlxalq ictimaiyyət üçün təhlükədir. Buna görə də onunla mübarizə aparmaq üçün beynəlxalq koalisiya tərkibində fəaliyyət göstərmək lazımdır.

Axar.az CNN-ə istinadən xəbər verir ki, bu sözləri Avropa Birliyinin Xarici İşlər və Təhlükəsizlik Siyasəti üzrə Ali nümayəndəsi Federika Moqerini deyib.

Moqerininin sözlərinə görə, İŞİD-lə mübarizə aparmaq üçün 4 bəndə əməl etmək lazımdır:

"İlk öncə Suriyaya humanitar yardım göstərilməsi üçün çalışmaq, Cenevrə danışıqlarında Suriya xalqının lehinə qərar qəbul etmək, İŞİD tərəfindən işğal olunmuş əraziləri geri almaq, Liviyada milli birlik hökumətinin yaradılmasına dəstək vermək və Yaxın Şərqdə olduğu kimi Avropada da terrorizmə qarşı mübarizə aparmaq".