Avropa Birliyi istənilən terror hadisəsini qınayır və PKK-nı da terror təşkilatı olaraq görür.

Axar.az xəbər verir ki, bu sözləri Avropa Birliyinin Təhlükəsizlik və xarici siyasət üzrə ali nümayəndəsi Federika Moqerini deyib.

"AB-nin mövqeyi son dərəcə qətidir. Bunu Ankarada da bildirdim. AB bütün terror hadisələrini qınayır və PKK-nı terror təşkilatı olaraq görür. Biz həmçinin Türkiyədəki kürd probleminin sülh vasitəsilə həll olunacağına inanırıq. Bir neçə il öncə Türkiyə hakimiyyəti tərəfindən sülh prosesi ilə bağlı ilkin addımlar atıldı. AB istər Türkiyə, istərsə də İraq və Suriyada kürdlərin separatçı meyillərini dəstəkləmir", - Moqerini vurğulayıb.

Rusiya-Türkiyə gərginliyinə münasibət bildirən Moqerini qeyd edib ki, soyuq müharibənin başlanması ehtimalı yoxdur.