İngiltərə Avropa Birliyindən ayrılarsa, Fransanın Kalais düşərgəsində məskunlaşan miqrantlar bu ölkəyə yerləşdiriləcək.

Axar.az xəbər verir ki, bu sözləri Fransanın İqtisadiyyat naziri Emmanuel Makron "Faynənşl Tayms" qəzetinə açıqlamasında deyib.

O həmçinin İngiltərənin AB-dən çıxdığı təqdirdə, Londondakı maliyyə qurumlarının Fransaya dəvət ediləcəyini bildirib:

"İki ölkə arasında münasibətlər dəyişə bilər. Əlaqələrimiz kəsildiyi an miqrantlar artıq Kalaisdə olmayacaq. Paytaxt Londonda yerləşən maliyyə mərkəzləri Fransaya dəvət edilə bilər. İngiltərə AB-dən ayrılarsa, bazara ortaq çıxış imkanları da dəyişəcək. Birlikdən ayrılmaq istəyən insanlar da eyni şərtlərə sahib olmayacaqlar".

Qeyd edək ki, London və Paris arasında əldə olunan razılaşmaya görə, Fransaya axın edən miqrantların İngiltərəyə buraxılmaması nəzərdə tutulur.