Ana səhifə Planet |
Ukraynanın keçmiş baş naziri Nikolay Azarov hazırkı ölkə hakimiyyətini axmaqlar yığnağı adlandırıb.
Axar.az xəbər verir ki, o, Rusiyanın "Novaya qazeta" qəzetinə müsahibəsində hazırkı hökumətin qazı əvvəlkindən üç dəfə ucuz əldə etdiyini bildirib:
"Mən 2010-cu ildə hakimiyyətə gələndə xəzinə boş idi. Mənə Timoşenkonun "Qazprom"la formal müqaviləsi miras qalmışdı. Daha dəqiq desək, mən avtomatik olaraq qazı 550 dollara alırdım. Nə etməliydim? Qazı almağa məcbur idim. İndi bu axmaqlar yığını qazı 170 dollara alır, mən isə Rusiyadan 550 dollara alırdım. İndi neftin qiyməti ucuzlaşıb. Şərait mənə yox, onlara kömək edir".
Qeyd edək ki, Maydan hərəkatının Ukraynada qalib gəlməsindən sonra keçmiş Baş nazir Nikolay Azarov ölkəni tərk edərək, Moskvaya qaçıb. O, daha çox rusiyayönlü və Avrasiya İttifaqı istiqamətində inteqrasiya siyasətinin tərəfdarı kimi tanınıb. Azarov Rusiyada həmçinin Ukraynanın mühacir hökumətini də yaradıb.
Tarix
2016.03.05 / 12:41
|
Müəllif
İlkin Həsənov
|