Rusiya qaçqınlardan istifadə etməklə Almaniya kansleri Angela Merkeli devirməyə çalışır.

Axar.az xəbər verir ki, bu sözləri NATO-nun Strateji Kommunikasiya Mərkəzinin direktoru Yanis Sarts "Observer" qəzetinə müsahibəsində deyib.

Onun sözlərinə görə, Merkelin Rusiyaya qarşı sanksiyalarda təkid etməsi Moskva tərəfindən xoş qarşılanmır. O, bu fikrini NATO nümayəndəsi kimi yox, bir ekspert olaraq söylədiyini bildirib.

Yanis Sarts Rusiyanın Almaniyada qaçqın böhranını dərinləşdirmək üçün sosial şəbəkələrdə aktiv təbliğat apardığını da etiraf edib.

Qeyd edək ki, ötən il 1,2 milyondan çox miqrant Avropa Birliyinə üz tutub.