17:15
Slovakiya Respublikasının Baş naziri Robert Fitsoya qarşı sui-qəsd edilib.
Axar.az xəbər verir ki, bu barədə xarici mətbuatda məlumat yayılıb.
Məlumata görə, o, hökumətin iclasının keçirildiyi binada atışma zamanı yaralanıb. Baş nazirin helikopterlə xəstəxanaya aparıldığı bildirilir.
Hücum edən şəxs saxlanılıb.
***
“Plusky” nəşri baş nazirin qarnından və sinəsindən güllə yarası aldığını və vəziyyətinin çox ağır olduğunu yazıb.
***
Slovakiyanın Baş naziri Robert Fitsonun vəziyyəti ağırdır və buna görə o, təcili olaraq Banska-Bistritsa şəhərinə aparılacaq.
Bu barədə Baş nazirin rəsmi səhifəsindən məlumat verilib.
***
Robert Fitsonun qarın boşluğunda qanaxma var. O, hələ də əməliyyat otağındadır.
Bu barədə "Standard" portali mənbələtə istinadən məlumat yayıb.