Dünyada rəqabət aparacaqsansa, sərmayə qoymalı olacaqsan.

Axar.az xəbər verir ki, bunu “Baykar”ın baş direktoru Haluk Bayraqdar deyib.

“Bayraqdar Akıncı” və “Bayraqdar Qızılalma” pilotsuz təyyarələrində turbin mühərrikləri istifadə olunur. “Baykar”da növbəti beş il ərzində təyyarə mühərriklərinə 300 milyon dollar sərmayə qoyuruq. “Bayraqdar Qızılalma” mühərriki dörd ildən sonra yerli istehsal olacaq. Ümumilikdə “Baykar” təkcə öz resurslarından istifadə edərək “Qızılalma”ya 1 milyard dollar xərcləyib. Bu il “Baykar” 12 ədəd “Qızılalma” pilotsuz təyyarəsini istehsal etməyi planlaşdırır. 2026-cı ildə isə 48 ədəd istehsal etməyi planlaşdırırıq”, - o bildirib.