Misirin Baş naziri Mustafa Madbuli 16 turizm şirkətinin lisenziyalarının ləğv edilməsi və onların rəhbərlərinin Məkkəyə səfərləri zamanı zəvvarlara qanunsuz yardım göstərdiyinə görə prokurorluğa təhvil verilməsi barədə göstəriş verib.

Axar.az xəbər verir ki, bu barədə ölkənin Nazirlər Kabinetinin bəyanatında deyilir.

Qeyd olunur ki, göstəriş müxtəlif ölkələrin builki Həcc ziyarəti zamanı 1100-ə qədər insanın ölümü barədə məlumat yaymasından sonra verilib:

"Baş nazir bu şirkətlərin lisenziyalarının ləğvi, rəhbərlərinin prokurorluğa verilməsi və onların təqsiri üzündən dünyasını dəyişən zəvvarların ailələrinin xeyrinə cərimə edilməsi barədə göstəriş verib".

Qeyd edək ki, ziyarət zamanı kəskin istilər səbəbindən ölən zəvvarların yarısının misirli olduğu bildirilir.