22:07

Mahaçqaladakı kilsədə 19 nəfər gizlənib, onlar təhlükədən kənardadırlar, ərazi mühafizə olunur.

Axar.az xəbər verir ki, bu sözləri Dağıstan DİN-in mətbuat katibi Qayana Qariyeva deyib.

“Heç bir girovdan söhbət getmir! 19 nəfər öz təhlükəsizlikləri üçün kilsəyə sığınıb. Onlar artıq təhlükə altında deyil, bu ərazi qorunur!

Girovlar yox idi və yoxdur! Dağıstanın təhlükəsizlik qüvvələri işləyir”, - o bildirib.

Qeyd edək ki, bundan öncə "Mash" Teleqram kanalı Mahaçqalanın Kirov rayonunda yerləşən pravoslav kilsəsində 40 nəfər girov saxlanıldığı haqda məlumat yaymışdı.

Xatırladaq ki, Mahaçqala və Dağıstanda iki kilsə və bir sinoqoqa hücum edilib. Nəticədə 7-si polis olmaqla, 9 nəfər ölüb, 25 nəfər yaralanıb.