Yerli vaxtla səhər saat 08:00-dan, Bakı vaxtı ilə saat 08:30-dan İranda prezident seçkilərinin ikinci turu başlayıb.

Axar.az xəbər verir ki, bu barədə İran Seçki Qərargahı məlumat yayıb.

Bu mərhələdə Təbrizin İran parlamentindəki nümayəndəsi 69 yaşlı Məsud Pezeşkianla Əli Xameneinin Ali Milli Təhlükəsizlik Şurasındakı nümayəndəsi, 58 yaşlı Səid Cəlili mübarizə aparacaq.

Seçki yerli vaxtla saat 18:00-da kimi davam edəcək, səsvermə vaxtının uzadılacağı ehtimal edilir.

İranda 61 milyon 452 mindən çox seçicinun səs verməsi üçün 60 minə yaxın seçki məntəqəsi yaradılıb.

Qeyd edək ki, İyunun 28-də keçirilən birinci turda azərbaycanlı namizəd 10 milyon 415 min, onun bugünkü rəqibi Səid Cəlili isə 9 milyon 473 min 298 səs toplamışdı. Namizədlərin heç biri 50%-dən çox səs toplamadığı üçün birinci turda qalib müəyyənləşməmişdi.