Amerika Milli Kosmik Agentli (NASA) Marsda qurumuş çay aşkar edib.

Axar.az xəbər verir ki, NASA Saxeki kraterində su axınının olduğu yer aşkar edib. Geofiziklərin fikrincə, uzun müddət əvvəl Marsda çay olub, ancaq sonradan çayın mənbəsi quruyub.

NASA tərəfindən görüntülənmiş təsvir vasitəsilə alimlər keçmişdə olan, ancaq sonradan quruyan çayların dinamikasını təyin etməyi planlaşdırırılar. Araşdırmalara görə, bəzi hidratlaşdırılan duzların sayəsində - 70 dərəcə temperaturda su mayesi qalır. Çayın sürətli şəkildə axınınını dəyişməsi nəticəsində isə qırıntılardan əmələ gəlmiş torpaq qatı formalaşır.

Qeyd edək ki, NASA-nın Kassini adlı kosmik gəmisi 4 il öncə Saturn planetinin peyki Titanda Misirdəki Nil çayına bənzər uzun bir çayın şəkillərini görüntüləmişdi.