Səudiyyə Ərəbistanının Xarici İşlər naziri Adil Cübeyr Misirlə əldə olunan razılaşmaya münasibət bildirib.

Axar.az xəbər verir ki, nazir adaların ölkəsinə aid olduğunu və Kral Farukdan bəri bütün Misir hökumətlərinin də bunu tanıdığını deyib.

Nazir ölkəsinin vəhhabilik və terrorizmin yayılmasına dəstək verməsi ilə bağlı yayılan xəbərlərə də münasibət bildirib.

"Vəhhabilik deyə bir şey yoxdur. Şeyx Məhəmməd Əbdülvəhab islahatçı idi, radikalizm çağırışı etməyib. Radikalizm 1979-cu ildə İran inqilabından sonra Səudiyyə Ərəbistanında yayılmağa başladı", - nazir qeyd edib.

Xatırladaq ki, ötən gün Qırmızı dənizdəki Sanafir və Tiran adaları Misirin razılığı ilə Səudiyyə Ərəbistanına verilib. Sözügedən adalar 66 il Misirin nəzarətində olub.