Ana səhifə Planet |
Beynəlxalq Atom Enerjisi Agentliyi (MAQATE) “Ukraynada nüvə təhlükəsizliyi, mühafizə və təminat” adlı qətnamə qəbul edib.
Axar.az xəbər verir ki, məlumatı Agentlik yayıb.
Bildirilib ki, Ukraynanın atom elektrik stansiyaları, o cümlədən Zaporojye AES Ukraynanın tam suveren nəzarəti altında fəaliyyət göstərməlidir.
MAQATE Rusiya hərbçilərinin və digər şəxsi heyətin Zaporojya AES-in ərazisindən dərhal çıxarılmasını və stansiyanın təhlükəsizliyini təmin etmək üçün Kiyevin nəzarətinə qaytarılmasını tələb edib.
Eyni zamanda, Zaporoje AES-in Ukraynanın nəzarətinə qayıdana qədər Rusiyadan MAQATE-yə stansiyadakı bütün obyektlərə məhdudiyyətsiz girişin təmin olunması istənilib.
MAQATE öz növbəsində nüvə obyektlərinin təhlükəsiz istismarını təmin etmək üçün Ukraynaya siyasi, maliyyə, maddi-texniki və texniki yardımı davam etdirməyi öhdəsinə götürüb.
Ukrayna prezidenti qətnaməyə görə MAQATE-yə təşəkkür edib.
Tarix
2024.09.21 / 13:03
|
Müəllif
Vüsalə İsgəndərova
|