İran Yaxın Şərqdə qeyri-sabit vəziyyətin hökm sürməsini istəmir, lakin Tehranda HƏMAS Siyasi Bürosunun rəhbəri İsmayıl Haniyənin öldürülməsi cavabsız qalmayacaq.

Axar.az xəbər verir ki, bu sözləri Nyu Yorkda səfərdə olan İran Prezidenti Məsud Pezekşkian dəyirmi masada jurnalistlərlə görüşündə deyib.

“Haniyənin qətli bütün beynəlxalq hüquq normalarına ziddir və şübhəsiz ki, cavabsız qalmayacaq. ABŞ və Qərb ölkələri sionist rejimi dəstəklədiyi vaxtda İran Dəməşqdə konsulluğuna hücuma reaksiya verdi. İran sübut etdi ki, o, bu rejimin cinayətlərinə cavab verə bilər, lakin biz sabitliyi pozan amil olmaq və regionda təhlükəsizliyi pozmaq istəmirik”, - deyə prezident bildirib.