Rusiya Hizbullah lideri Həsən Nəsrullahın İsrail tərəfindən öldürülməsini qətiyyətlə pisləyir.

Axar.az xəbər verir ki, bu barədə Rusiya Xarici İşlər Nazirliyinin bəyanatında deyilir.

“İsrailin törətdiyi növbəti siyasi qətli qətiyyətlə pisləyirik. Bu aksiya Livan və bütün Yaxın Şərq üçün daha dramatik nəticələrlə doludur. İsrail tərəfi belə bir təhlükəni dərk etməyə bilməz, buna baxmayaraq belə bir addım atdı - Livan vətəndaşlarının öldürülməsi, demək olar ki, qaçılmaz olaraq yeni bir şiddət dalğasına səbəb olacaq. Beləliklə, sonrakı eskalasiyaya görə bütün məsuliyyət onun üzərinə düşür”, - məlumatda bildirilib.