ABŞ ordusu təxminən 15 milyon dollar dəyərində M60 pulemyotunun alınması ilə bağlı “U.S. Ordnance” müdafiə şirkəti ilə müqavilə imzalayıb.

Axar.az xəbər verir ki, bu barədə “The War Zone” məlumat yayıb.

Məlumata görə, Vaşinqton bu silahları Ukraynaya ötürə bilər:

“Müəmmalı razılaşmanın bir hissəsi olaraq, ABŞ ordusu qeyri-müəyyən sayda M60E6 və M60E4 pulemyotları, həmçinin M60-ın əvvəlki modifikasiyaları üçün konversiya dəstləri alacaq. Silah ABŞ-ın xarici müttəfiqi və ya tərəfdaşı, məsələn, Ukrayna üçün nəzərdə tutula bilər. Ordunun yeni M60 alışlarının Kiyevə qarşıdan gələn hərbi yardım paketinin bir hissəsi olması ehtimalı var”.