Düşünürəm ki, Bayden səhv edir. Bu, vuracağınız hədəf deyilmi?

Axar.az xəbər verir ki, bu sözləri ABŞ prezidentliyinə namizəd Donald Tramp İsrailin İrandakı nüvə obyektlərinə zərbə vurmasının məqsədəuyğun olmaması barədə ABŞ Prezidenti Co Baydenin sözlərini şərh edərkən deyib.

O bildirib ki, nüvə silahı ən böyük riskdir və İranın onu əldə etməsinin qarşısı alınmalıdır.

Tramp əlavə edib ki, Birləşmiş Ştatlar belə bir inkişafa hazır olmalıdır.

Qeyd edək ki, İran 1 oktyabrda İsrailə kütləvi raket zərbələri endirib. İsrailin buna cavab olaraq İranın neft və nüvə obyektlərinə zərbə endirə biləcəyi iddia edilir.