2016-04-15 21:44

Yaponiyanın Kumamoto şəhərində 7 bal gücündə zəlzələ baş verib.

Axar.az xəbər verir ki, bu barədə ABŞ Geoloji Araşdırmalar Mərkəzi məlumat yayıb.

Zəlzələnin episentri yerin 10 km dərinliyində qeydə alınıb.

Hələlik dağıntılarla bağlı məlumat verilməyib.

Qeyd edək ki, aprelin 15-nə keçən gecə Yaponiyanın Maşiki şəhərində baş vermiş 6,5 bal gücündə yeraltı təkanlar nəticəsində 9 nəfər ölüb, 860 nəfər xəsarət alıb.

09:34

Yaponiyanın cənub-qərbində baş verən zəlzələ nəticəsində ölənlərin sayı 19 nəfərə çatıb.

Report xəbər verir ki, bu barədə Kumamoto prefekturasının polis idarəsinin məlumatında bildirilir.

Beləliklə, son iki gün ərzində Yaponiyanın cənub-qərbində baş verən iki güclü yeraltı təkanlar nəticəsində həyatını itirənlərin sayı 28 nəfərə çatıb.

Yaponiya Nazirlər Kabinetinin baş katibi Yosixide Suqa təcili keçirilən mətbuat konfransında bildirib ki, 80-dən çox insan xəstəxanaya yerləşdirilib və onların vəziyyəti ağırdır. Eyni zamanda 2 minə yaxın insan orta və yüngül dərəcəli zədə alıb.

***

Yaponiyada zəlzələ nəticəsində ölənlərin sayı 34 nəfərə çatıb, 100 mindən çox insan təxliyə olunub.

Bu barədə Yaponiyanın NHK telekanalı məlumat verib.

Kumamoto və Outa prefekturalarında yerləşən xəstəxanalara 2000-dən çox insan müraciət edib.