Çin ABŞ-ın daha 3 şirkətinə və 10 fiziki şəxsə qarşı sanksiya tətbiqini elan edib.

Axar.az xəbər verir ki, bu barədə Çinin Xarici İşlər Nazirliyinin açıqlamasında bildirilib.

Qeyd edilib ki, sanksiyalar hüquqi və fiziki şəxslərin Tayvana silah satışında iştirakına görə tətbiq olunur. Müəssisələr “Edge Autonomy Operations LLC”, “Huntingdon Ingalls Industries Inc” və “Skydio Inc”dir. Həmin müəsissələrin və şəxslərin Çindəki daşınar və daşınmaz əmlakı, digər vəsaitləri dondurulacaq. Sanksiya tətbiq olunan şəxslərin Çinin materik hissəsinə, habelə Honkonq və Makao xüsusi inzibati ərazilərinə girişinə qadağa qoyulub.

Bundan başqa, Çindəki bütün qurum və fərdlərin sanksiya tətbiq edilən hüquqi və fiziki şəxslərlə əməkdaşlığı qadağan edilib.