ABŞ Dövlət Departamenti Rusiyaya çağırış edib.

Axar.az xəbər verir ki, rəsmi Vaşinqton Rusiyanın Krım Tatar Milli Məclisinin fəaliyyətini dayandırmaq qərarını pisləyib.

Department Krım Tatar Milli Məclisini demokratik təşkilat, Krım-tatar xalqını təmsil edən bir qurum adlandırıb.

Ayrıca, Məclisin Krım tatar mədəniyyətinin mühafizə edilməsi baxımından əhəmiyyətli müstəqil qüvvə olduğu deyilib.

"Rusiyanın Ukraynada tatar rəhbərliyinə öz qanunlarını tətbiq etmək səlahiyyəti yoxdur. Rusiyaya növbəti dəfə Krımda işğalı dayandırmaq və bu torpaqları Ukraynaya qaytarmaq çağırışı edirik. İşğal davam etdikcə, Krım ilə bağlı sanksiyalar davam edəcək", - açıqlamada qeyd olunub.