Xəbər verdiyimiz kimi, ABŞ-da keçirilən prezident seçkilərində Donald Tramp qələbəsini elan edib.

Axar.az xəbər verir ki, bu, onun fasilədən sonra Ağ Evə qayıdan ikinci ABŞ prezidenti kimi tarix yazmasına səbəb olub.

Bundan əvvəl isə Qrover Klivlend eyni yolu keçib.

Q.Klivlend 1885-1889-cu illər arasında prezident olub, növbəti seçkidə isə uduzub. O, 1892-ci ilin seçkilərində respublikaçı prezident Benjamin Harrisonu məğlub edərək 4 illik fasilədən sonra yenidən prezident vəzifəsinə qayıdıb.

D.Tramp da ilk dəfə 2016-cı il seçkisində demokrat rəqibi Hillari Klintonu məğlub edərək prezident seçilib. 2020-ci ildə baş tutan seçkilərdə isə rəqibi Co Baydenə məğlub olmuşdu.