ABŞ Prezidenti Barak Obama Ağ Evin sözçüsü Coş Ernestin jurnalistikanın tələbələri və kollec şagirdləri üçün təşkil etdiyi tədbirə gözlənilmədən qatılıb.

Axar.az xəbər verir ki, gündəlik mətbuat konfransının keçirildiyi salona qəfildən girən Obama gəncləri təəccübləndirib və onların suallarını cavablandırıb.

Obama suallardan birinə cavabında liseydə oxuyarkən tənbəl olduğunu deyib:

"Mən tənbəl şagird olmuşam. Lakin sizlər çox uğurlu və yüksək bal alırsınız".

Obama media azadlığına da toxunub və tənqid olunmasına münasibət bildirib:

"Media zamanla məni və Coş Ernesti tənqid edir. Lakin bu da media azadlığından irəli gəlir".