“Heyəti Təhrir əş-Şam” qruplaşmasının silahlıları sürətlə Həma şəhərinə doğru irəliləyir.

Axar.az xəbər verir ki, bu barədə Türkiyə mətbuatı məlumat yayıb.

Məlumata görə, HTŞ silahlıları Həmanın şimalındakı Zor əl-Mahruka, Zor əl-Heysa, Zor Əbu Zeyid, Zor əl-Meselih, Zor əc-Cədid, Həttap, Əl-Rehcen, Şimali Sərha, Cənubi Sərha, şəhərə ən yaxın yaşayış məntəqələrindən biri olan Maar Şahrura və bir çox əraziləri ələ keçirib.

Bildirilib ki, Həmanın şərqindəki Zabitlər Məktəbi adlı ərazi də silahlıların nəzarətinə keçib.

Hətta döyüşlərin Həmanın 6 kilometrliyində getdiyi bildirilir.

Suriya hökumətinin şəhərdəki bank və valyutadəyişmə məntəqələrini boşaltdığı ilə bağlı məlumat yayılıb.