ABŞ-ın paytaxtı Vaşinqtonda Ağ Ev qarşısında onlarla amerikalı Suriyanın Hələb şəhərində Rusiya tərəfindən törədilən qırğınlara etiraz edib.

Axar.az xəbər verir ki, aralarında Suriya əsilli amerikalıların da olduğu etirazçılar "Hələb yanır, biz yanırıq", "Suriya xalqı yalnız deyil" yazıları olan plakatlar nümayiş etdiriblər.

Aksiya iştirakçıları "Hələbi xilas edin!", "Suriya, çox yaşa!" , "Azad Suriya" kimi şüarlar da səsləndiriblər.

Nümayişçilər həmçinin ABŞ Prezidenti Barak Obamanı məsələyə etinadsız münasibət göstərməməyə çağırıblar.

Qeyd edək ki, Rusiya qırıcıları Hələbdə dinc sakinləri hədəf almaqda davam edir.