Türkiyə Türkiyədən daha böyükdür. Biz millət olaraq üfüqlərimizi 782 min kvadrat kilometrlə məhdudlaşdıra bilmərik.

Axar.az xəbər verir ki, bu açıqlama ilə Türkiyə Prezidenti Rəcəb Tayyib Ərdoğan çıxış edib.

"Bölgəmizdə, xüsusilə Suriyada baş verən son hadisələr bizə xatırladır: Türkiyə Türkiyədən daha böyükdür. Biz millət olaraq üfüqlərimizi 782 min kvadrat kilometrlə məhdudlaşdıra bilmərik. İnsan öz taleyindən qaça bilmədiyi kimi, Türkiyə və türk milləti də taleyindən qaça və gizlənə bilməz. Tarixin bir millət olaraq üzərimizə qoyduğu missiyanı görüb qəbul etməyə və ona uyğun hərəkət etməyə borcluyuq. Öz ölkəsinə başqalarının gözü ilə baxanlar bunu dərk etməyə bilər. Burnunun ucunu belə görə bilməyənlər bunu anlamaya bilər. "Türkiyənin Liviyada, Suriyada və Somalidə nə işi var?" soruşanlar bu vizyonu və missiyanı anlaya bilməyə bilər. Türkiyənin son 22 ildə necə çox dəyişdiyini bilməyənlər hadisələrin gedişatını anlamaqda çətinlik çəkə bilərlər. Amma biz bunu görürük, prosesləri oxuyuruq, amma çağırışlara qulaq asmırıq. Türkiyənin uğuruna sevinə bilməyənləri öz aldatmacaları, qorxuları, sui-qəsd nəzəriyyələri, cəfəngiyyatları ilə öz paxıl dünyalarında baş-başa buraxırıq. Millətinə rəğbətini itirmiş insanlara nə desək də faydası yoxdur. Biz onlarla vaxt itirməyəcəyik", - Ərdoğan qeyd edib.