Rusiya Prezidenti Vladimir Putin istər döyüş meydanında, istərsə də danışıqlar masası arxasında Ukraynanın tamamilə məhv edilməsinə çalışır.

Axar.az xəbər verir ki, bunu amerikalı polkovnik Conatan Svit “Hill”də dərc olunan məqaləsində yazıb.

“Bu günə qədər 766 mindən çox - ölü və yaralı - əsgər itirdi və indi də Şimali Koreya əsgərlərini ətçəkən maşına atdı”, - polkovnik bildirib.

O qeyd edir ki, üçüncü ölkə və “Şər oxu”nun qeyri-rəsmi üzvü olan Şimali Koreyadan quru qoşunlarının Ukraynaya yeridilməsi münaqişəni “pis trayektoriyaya” gətirib çıxarıb.

“Rusiyanın bu son eskalasiyası Moskvanın Ukraynanı məhv etməkdə qərarlı olduğunu göstərir. İlk dəfə noyabrın 21-də Dneprdə mülki hədəflərə qarşı istifadə edilən “Oreşnik” hipersəs raketi də bunun sübutudur”.