Türkiyə Ukrayna münaqişəsinin nizamlanmasında, o cümlədən münaqişə tərəfləri arasında danışıqlar üçün öz ərazisini verməklə istənilən yardımı göstərməyə hazırdır.

Axar.az xəbər verir ki, bu barədə Türkiyə Prezident Administrasiyasının kommunikasiyalar üzrə direktoru Fəxrəddin Altun məlumat verib.

Altun xatırladıb ki, Rusiya və Ukrayna nümayəndələri Türkiyənin vasitəçiliyi ilə 2022-ci ilin martında İstanbulda danışıqlar aparıb, əlavə olaraq taxıl müqaviləsi bağlanıb:

“İstanbul sülh platforması kimi irəli sürüldü və bu, beynəlxalq aləmdə müsbət qarşılandı. Ölkələrin İstanbulda yenidən görüşəcəyini güman etmək olar. Bu kontekstdə Türkiyə sabitləşdirici güc olaraq humanitar yardım və sülh danışıqları da daxil olmaqla istənilən yardımı göstərməyə hazırdır”.