Türkiyə Prezidenti Rəcəb Tayyib Ərdoğanla Birləşmiş Ərəb Əmirliklərinin Prezidenti Şeyx Məhəmməd bin Zayed ən-Nəhyan arasında telefon danışığı baş tutub.

Axar.az xəbər verir ki, bu barədə Türkiyə mediası məlumat yayıb.

Tərəflər Suriya və Fələstindəki son vəziyyəti, ikitərəfli münasibətləri və regional məsələləri müzakirə ediblər.

Görüşdə müxtəlif etnik və dini qrupların sülh içində yan-yana yaşadığı Suriyanın qurulmasının və ölkədə birliyin təmin edilməsinin vacibliyini qeyd edən Ərdoğan, Türkiyənin Suriyadakı PKK/YPG terror təşkilatını kürdlərin təmsilçi kimi qəbul edə bilməyəcəyini bildirib.

Bundan başqa, Türkiyə lideri vurğulayıb ki, İŞİD-in bölgədəki xaosdan istifadə etməsinin və İsrailin mövcud vəziyyətdən sui-istifadə edərək Suriyadakı yeni prosesi baltalamasının qarşısı alınmalıdır.