Səudiyyə Ərəbistanının Tehrandakı səfiri Xarici İşlər Nazirliyinə çağırılıb.

Axar.az xəbər verir ki, bu barədə “Mehr” agentliyi məlumat yayıb.

Bildirilib ki, səfirə 6 iranlının edam edilməsinə görə kəskin etiraz edilib və bu hərəkətin məhkəmə əməkdaşlığının ümumi tendensiyası ilə uyğunsuzluğu qarşı tərfin diqqətinə çatdırılıb.

Qeyd edilib ki, Səudiyyə Ərəbistanında narkotik ticarəti ittihamı ilə həbsdə olan 6 iranlı bir neçə il öncə həbs edilib və edam cəzasına məhkum edilib. İran XİN onlara konsulluq xidmətlərinin göstərilməsi və cəzalarının azaldılması üçün səy göstərib. Buna baxmayaraq, səfirliyə əvvəlcədən xəbər verilmədən onların ölüm hökmləri icra edilib.