Türkiyə-İsrail münaqişəsi təkcə regional deyil, həm də dini və iqtisadi səbəblərdən qaynaqlanır. Buna görə də İsrail Türkiyəni təhdid olaraq qəbul etməlidir.

Axar.az xəbər verir ki, bu barədə İsrailin “Nziv” nəşrində gedən məqalədə bildirilib.

Məqalədə vurğulanıb ki, Türkiyənin güclü ordusu olsa da, iqtisadi baxımdan çətin bir dövr yaşayır.

İsrailin Körfəz ölkələri ilə əməkdaşlığının Türkiyənin iqtisadi gücünü təhdid etdiyini bildirən yazıda Ankaranın bu təhlükə qarşısında strateji olaraq İsrailə qarşı “düşmənçilik” siyasəti yürütdüyü iddia edilib.

Məqalədə vurğulanıb ki, Türkiyənin hədəfləri İsrail üçün böyük təhlükə yaradır.

İsrailin Türkiyəni təhdid olaraq qəbul etməli olduğu vurğulansa da, bu vəziyyətin bölgədəki güc balansına əhəmiyyətli dərəcədə təsir edəcəyi bildirilir.