Bu gün Qahirədə Misir Prezidenti Əbdülfəttah Sisi, Yunanıstan Baş naziri Kiriakos Miçotakis və Kipr Prezidenti Nikos Kristodulides arasında 10-cu üçtərəfli sammit keçirilib.

Axar.az xəbər verir ki, tərəflər regional təhlükəsizlik, enerji sahəsində əməkdaşlıq məsələlərini, eləcə də Kipr qazının Misirin LNG qurğuları vasitəsilə ixracı imkanları və Misirlə Yunanıstan arasında elektrik enerjisi bağlantısı mövzularını müzakirə ediblər.

Sammitdən öncə baş tutan Yunanıstan və Misir liderlərinin ikitərəfli görüşündə isə Şərqi Aralıq Dənizi Qaz Forumu çərçivəsində əməkdaşlığın möhkəmləndirilməsinin zəruriliyi vurğulanıb.