Avrasiya İqtisadi İttifaqından (Aİİ) çıxmaq məsələsi Ermənistan hökumətinin gündəliyinə daxil deyil.

Axar.az xəbər verir ki, bunu Ermənistanın iqtisadiyyat naziri Gevorq Papoyan deyib.

Onun sözlərinə görə, Avropaya inteqrasiyası ilə bağlı proseslər paralel gündəlikdir:

“Ermənistan hakimiyyətinin vəzifəsi ölkənin rəqabət qabiliyyətini və dayanıqlığını artırmaqdan ibarətdir”.

Qeyd edək ki, Ermənistan hökuməti ölkənin AB-yə üzv olması prosesinin başlaması haqda qanun layihəsini təsdiqləyərək, parlamentə göndərib. İrəvanın Aİİ üzvü olduğu halda AB-yə üzvlük prosesini başlatması Rusiyanın dominantlıq etdiyi iqtisadi blokdan çıxmağa hazırlaşması kimi dəyərləndirilib. Çünki eyni vaxtda bu iki iqtisadi bloka üzv olmaq mümkün deyil.