Rus ordusu Donetsk vilayətinin Pokrovsk şəhərində Ukrayna hərbçilərinə təzyiqlərini dayandırmır. Xüsusən də Rusiya ordusu son bir neçə gündə Kotlino bölgəsində uğur qazanıb.

Axar.az xəbər verir ki, bu barədə “DeepState” layihəsinin məlumatında bildirilib.

Məlumata görə, rus ordusu şəhərin cənub-qərbindəki avtomobil və dəmir yoluna çatıb və birbaşa şəhərə nüfuz etməyə çalışır.

“Müdafiə qüvvələri sabitləşdirmə tədbirləri həyata keçirir, düşmənə qarşı səylərini əsirgəmir”, - məlumatda qeyd olunub.

Xatırladaq ki, Ukrayna Müdafiə Nazirliyinin keçmiş müşaviri Yuri Butusov artıq ordu komandanlığının Pokrovska nəzarəti itirdiyini açıqlamışdı.