İrəvan Ağsaqqallar Şurasının iclasında müxalifət nümayəndələrinin iştirakı ilə əlbəyaxa baş verib.

Axar.az xəbər verir ki, bu barədə Ermənistan mətbuatı məlumat yayıb.

Məlumata görə, davaya tariflər məsələsi səbəb olub:

“İrəvanda ictimai nəqliyyatın qiymətlərinin müzakirəsi iclas zalında kütləvi dava ilə nəticələnib. “Ara, sənsən, ara” sözləri ilə başlayan söz davası əlbəyaxa davaya çevrilib və nəticədə İrəvan meri Tiqran Avinyan polis çağırmağa məcbur olub. Lakin hətta polisin müdaxiləsi də dava iştirakçılarını sakitləşdirməyib. Avinyan dava iştirakçılarını iclas zalını tərk etməyə çağırıb və “Ana Ermənistan” müxalifət fraksiyasının nümayəndəsi Samvel Akopyanı görüşdə iştirak etmək imkanından məhrum edib”.