HƏMAS hərəkatı İsrailin Baş naziri Benyamin Netanyahunun fələstinlilərin krallığa köçürülməsi təklifini pislədiyi üçün Səudiyyə Ərəbistanı hakimiyyətinə minnətdarlığını bildirib.

Axar.az xəbər verir ki, bu barədə HƏMAS-ın Teleqram kanalında məlumat yayılıb.

“Biz Səudiyyə Ərəbistanına fələstinlilərin məcburi köçkünlük planlarına qarşı yönəlmiş qəti mövqeyinə görə dərin minnətdarlığımızı bildiririk. HƏMAS nümayəndələri Netanyahunun təklifini həm Səudiyyə tərəfinə, həm də Fələstin xalqına düşmənçilik sayır. Bu cür bəyanatlar İsrail baş nazirinə xas olan müstəmləkəçilik zehniyyətini əks etdirir”, - məlumatda qeyd edilib.