Donald Tramp vədinə uyğun olaraq, ABŞ-ın bütün polad və alüminium idxalına 25 faiz rüsum tətbiq edib.

Axar.az xəbər verir ki, bu barədə BBC məlumat yayıb.

“Ölkəmizə xaricdə yox, Amerika istehsalı olan polad və alüminium lazımdır”, - Tramp bildirib.

Tariflərin ABŞ daxilində qiymətləri artırıb-artırmayacağı sualına isə o, belə cavab verib:

“Bu, daha ucuz olacaq. Bu mühüm məsələdir. Amerikanı əvvəlki şöhrətinə qaytarmağa başlayırıq. Gözəl sənayemizin Amerikaya qayıtma vaxtıdır”.

Yeni rüsumlar istisnasız olaraq bütün ölkələrdən polad və alüminiuma tətbiq edilir.

Qeyd edək ki, Almaniya kansleri Olaf Şolts Trampın polad və alüminium idxalına rüsum tətbiqinə cavab verəcəklərini bildirmişdi.