Ermənistan Baş naziri Nikol Paşinyan Münhen Təhlükəsizlik Konfransı çərçivəsində AB Şurasının sədri Antonio Koşta ilə görüşündə ölkənin qurumla əlaqələrinin genişləndirilməsinin vacibliyini bəyan edib.

Axar.az xəbər verir ki, bu barədə Ermənistan Nazirlər Kabinetinin mətbuat xidməti məlumat yayıb.

Baş nazir AB-nin Ermənistanda demokratik islahatların ardıcıl irəliləyişinə dəstəyinin vacibliyini vurğulayıb.

Paşinyan bəyan edib ki, islahat gündəliyinin tam həyata keçirilməsi Ermənistan hökumətinin prioritetlərindən biridir. O, Ermənistanın müxtəlif sahələrdə potensialı inkişaf etdirmək üçün AB ilə çoxtərəfli əlaqələrin genişləndirilməsinə və inkişafına önəm verdiyini bildirib

Antonio Koşta Ermənistan hökumətinin demokratiyanın möhkəmləndirilməsi və institusional islahatların həyata keçirilməsi istiqamətində atdığı addımları alqışlayıb.