Belarusun Ermənistandakı səfirliyindəki qeyri-rəsmi mənbələrin mənə bildirdiyinə görə, erməni bloger Bella Belarusda 15 sutka həbs edilib. Bundan sonrakı tədbirləri məhkəmə müəyyən edəcək.

Axar.az xəbər verir ki, bu sözləri ermənipərəst bloger Aleksandr Lapşin paylaşıb.

Lapşin bildirib ki, hazırda Bella həbsdədir:

“İkili – Ermənistan və Belarus vətəndaşlığı olan Bella 5 maddə ilə ittiham olunur: irqi, milli, dini və ya digər sosial nifrət və ya nifaq salma, müharibə təbliğatı, böhtan, hakimiyyət nümayəndəsini təhqir etmə, təhdid.

“Anladığım qədər, ona qarşı artıq ittihamlar irəli sürülüb, lakin nə Belarus Daxili İşlər Nazirliyi, nə də Belarus Xarici İşlər Nazirliyi hələlik rəsmi açıqlama verməyib”.

Lapşin iddia edib ki, Ermənistan vətəndaşının Bakının tələbi ilə Belarusda həbs edildiyini ehtimal edir.