Ermənistanın dövlət orqanlarında çaxnaşma başlayıb.

Axar.az Ermənistanın "Qraparak" qəzetinə istinadla xəbər verir ki, Baş nazir Ovik Abramyan nazirlərə təkcə xərcləri azaltmağı yox, eyni zamanda xərcləyənləri də ixtisara salmağı tapşırıb.

"Növbəti üç həftə ərzində nazirliklərdə struktur dəyişikliyi olacaq və ştatlar azaldılacaq. Üçüncü həftənin sonunda isə nazirlər bu barədə hökumət başçısına hesabat təqdim edəcəklər", - qəzet yazıb.

Hökumət bu gün verdiyi digər bir qərarda dövlət orqanlarına məxsus 797 ədəd xidməti maşını ixtisara salıb.

Qeyd edək ki, Ermənistanda dərin iqtisadi böhran yaşanır. Qarabağı işğal etməsi nəticəsində iqtisadi təcrid vəziyyətinə düşən və böyük regional layihələrdən kənarda qalan Ermənistanın 2016-cı ilə dövlət borcu ümumi daxili məhsulun 55 faizinə bərabər olub. Bu göstərici artıq iqtisadi iflas və defolt ərəfəsi kimi qiymətləndirilir.