Rusiya Prezidenti Vladimir Putin Ukraynada müharibəni dayandırmaq niyyətində deyil.

Axar.az xəbər verir ki, bu barədə ABŞ-ın Müharibənin Öyrənilməsi İnstitutunun yaydığı hesabatda bildirilib.

Qeyd olunub ki, Ukraynada davam edən müharibə, inflyasiyanın artması, Rusiyanın suveren fondunun tükənməsi və mövcud işçi çatışmazlığının pisləşməsi Rusiya iqtisadiyyatını gərginləşdirir:

"Ukrayna qüvvələri döyüş meydanında rus ordusunu indiki sürətlə məhv etməyə davam edərsə, Rusiya 12-18 ay ərzində bir sıra maddi, insani və iqtisadi problemlərlə üzləşəcək, bu da gələcəkdə Rusiya əhalisinin yaşadığı iqtisadi yükü artıracaq. Putin isə artan daxili siyasi və iqtisadi təzyiqlərə baxmayaraq, Ukraynada müharibəni davam etdirmək istəyir. Xüsusilə, Putinin Ukrayna ilə sülh sazişi bağlamaq ehtimalını istisna edən son bəyanatları onun müharibəni uzatmaq istəyindən xəbər verir".