Oval ofisdə baş verən mübahisə dəhşətli geosiyasi ssenarini gerçəkləşməyə yaxınlaşdırır.

Axar.az Globalinfo.az-a istinadən xəbər verir ki, bu barədə “Tayms” yazıb.

“Amerikalıların Avropadan gedişi, NATO-nun dağılması, hətta Vaşinqtonun ənənəvi müttəfiqlərindən daha çox Moskva ilə sıx ideoloji yaxınlığı – bütün bunlar yaxın perspektivdən xəbər verir.

Bu, öncədən planlaşdırılmış pusqu idi, yoxsa Zelenski bu həssas dərili prezidentlə pis rəftar etmişdi – hazırda heç bir əhəmiyyəti yoxdur. Tramp itaətsizliyi cəzasız qoyacaq insan deyil. ABŞ-ın Ukraynaya hərbi yardımı dayandırma riski var.

Avropa bu böhrandan nəyisə xilas etməyə çalışacaq, lakin Makronla Starmerin səfərləri ilə formalaşdırılan yaxşı nə vardısa, sanki silinib getdi. Bununla da avropalı liderlərin Londondakı bazar günü sammiti daha da əhəmiyyət kəsb etməyə başladı.

Buna baxmayaraq, Avropanın sosial mediada dəstək paylaşımlardan başqa daha nəyə hazır olduğu məlum deyil. ABŞ-ın dəstəyi olmadan Avropanın təhlükəsizliyi təmin etmək üçün 300 min hərbi qulluqçu və hər il müdafiəyə sərf etməyə 200 milyard funt sterlinq lazım olduğunu nəzərə alaraq Avropa Komissiyasının məmurlarından biri deyib: “Ukrayna bizim üçün vacibdir, lakin bütünlüklə yox”.

İndi Avropa ordusu Kreml diktatorunu cilovlamaq üçün 100-150 minlik yerləşdirmə edə bilmir, belə halda, yəni ABŞ olmadan hətta 30-40 minlik “dəstək qüvvələri” də böyük xoşbəxtlik hesab edilə bilər”, – köşə yazarı Mark Qaleotti qeyd edib.